Category Archives: General

MAMA SALMA KIKWETE UMEKOSEA SANA! HIYO INAITWA INSTITUTIONALIZED DISCRIMINATION!

Hivi ule usemi wako wa “mtoto wa mwenzio ni wako” uliufuta baada ya kuvua kofia ya u-FirstLady!! Bado najaribu kukutafakari nia yako haswa ni nini?! Wahenga walisema “uchungu wa mwana aujuae ni mzazi” lakini mimi saa nyingine napingana na huu usemi kwani kuna watu hawajawahi onja machungu ya uzazi wala malezi lakini wanaumizwa na kuguswa na watoto wa wengine kuliko baadhi ya wanawake walio zaa! Hapa simuongelei  mwingine bali ni aliyekuwa mkuu wangu ya shule ya Kowak Girls Secondary school Sister Magdalena (R.I.P). 

Miaka 23 iliyopita, nilipopata ujauzito nilikuwa form 2 pale Kowak Girls Secondary school Wilaya ya Rorya, mkoa wa Mara. Shule ilikuwa inaongozwa na wamishonari wa Catholic na huyu Sister Magdalena ndio alikuwa Headmistress (yeye alikuwa Mmarekani) na msaidizi wake alikuwa Sister Nyambosa  ambaye alikuwa Mtanzania. Sasa Sister Nyambosa kulingana na the so called “mila na desturi, sheria za Tanzania na dini” alitaka nifukuzwe shule!! Eti hiyo ndio adhabu yangu nikajifunze! But guess what?!! Sister Magdalena akasema NO! Hato hidhinisha hiyo barua ya mimi kufukuzwa shule kwani haoni logic ya hizo mila na desturi, pamoja na sheria za Tanzania. Yeye aliamini kuwa kitendo cha mimi kuwa mama kwa umri ule ni adhabu tosha! Pia nilikuwa mmoja ya wanafunzi wazuri pale shuleni hivyo hakuona kwanini aniharibie future yangu kwa kunifukuza shule ambayo technically angekuwa anaharibu future ya watoto wawili (mimi na kiumbe kilichokuwa tumboni mwanangu wakati ule).

Kufupisha story hii, wakafikia makubaliano yakunipa sick leave mpaka nitakapokua tayari kurudi shule basi wao walikuwa tayari kunipokea au kunipa uwamisho kwenda shule nyingine! Miezi sita baada ya kujifungua nilitafuta shule nikahamia, uhamisho wangu ulitumwa bila tatizo!! Shule niliyo hamia ilikuwa ni Nurulyakini Secondary school pale Mwembe Yanga, Temeke. Nilirudia form 2 kwani nilikuwa sijafanya mtihani wa form 2 nilipokuwa nimetoka Kowak. Wanaonijua vizuri wanaweza kushuhudia kuwa hata siku moja sijawahi kuwa ashamed kusema kuwa mimi nina mtoto. Kwani miezi mchache tu hapo shuleni nilianza kuwaambia wanafunzi wenzangu na hatimaye story zikafika hadi kwa walimu wote wa shule! Guess what?! Hakuna aliye jali wala kunifanya nijisikie vibaya kuwa mimi ni mama katika umri ule!! Walichojali ni academic records zangu! Tulipoingia form 3, nikachaguliwa kuwa Assistance HeadGirl, na nipofika form 4 wakanichagua kuwa HeadGirl na hiyo yote ni kwasababu ya jinsi nilivyo kuwa hapo shuleni walimu walipenda sana na kuniona as a blessing to their school.

Nakumbuka siku moja dada aliyekuwa ananiangalizia mtoto alikuwa anaumwa hivyo hakuweza kukaa na mtoto siku hiyo. Ilikuwa ni wiki ambayo tunafanya final exams review kwa ajili ya kuanza final exams za form 4!! Nilikuwa na 2 choices; ama nisiende shule nibaki nyumbani nimuangalie mwanangu au nimbebe mwanangu niende naye shule! Sikiliza mama, jinsi walimu wangu na wanafunzi wenzangu walivyo nifanya nijisikie wakawaida kama wao, yani wala sikufikiria mara mbili!! Nikamuogesha mwanangu nikajiandaa nikaendanae shuleni. Nipo darasani nasoma na mwanangu yupo pembeni yangu! Hakuna aliyeniona waajabu wala nini!  kila mtu alikuwa anamfurahiya mwanangu!! And for the records nilifaulu vizuri sana form 4!

Hon. Salma Kikwete

Mama yangu sikiliza, tatizo lolote lile hata liwe kubwa kiasi gani ilikutafutiwa suluhisho la kudumu inategemea na attitude ya jamii husika na viongozi wake! Embu tafakari kama Sister Magdalena asingeweka msisitizo kuwa hato hidhinisha hiyo barua ya kunifukuza shule mimi ningekuwa wapi leo?!! Vipi kama walimu na wanafunzi wa Nurulyakini wangenibagua na kunitenga je mimi ningeweza endelea na masomo yangu?! Je, maisha yangu na ya mwanangu yangekuaje kama nisingepatiwa nafasi ya pili ya kufanya matengenezo?! Maana hivyo vyeti vyangu I mean my academic records ndio vilivyonileta hapa nilipo leo hii!! Labda nikwambie tu kuwa Nurulyakini ni shule ya Waislamu!

Hii tabia ya kutokutoa nafasi ya pili kwa “wakosaji” ndio inaleta matitizo mengi ndani ya Tanzania kama mambo ya vyeti feki, na forgeries nyingine! Viongozi wenye mtazamo kama wako ndio wanao changia matatizo kama hayo niliyo yataja katika jamii yetu!

By no means, siungi mkono maswala ya wanafunzi wa kike kupata mimba wakiwa mashuleni. Hata mwanangu analijua hilo kwani niliongenae mapema mno nilipo ona anaakili za kutosha kuelewa kile nitakacho mueleza. Lakini naomba uwelewe kuwa tatizo si kupata mimba, tatizo ni familia, jamii, na serikali imeshindwa kuelewa kuwa kuna uhitaji mkubwa wa kuelimisha familia pamoja na jamii nzima kuhusu swala la kujamiiana na changamoto zake haswa kwa watoto wakike! Leo hii unasema waliopata mimba wasiruhusiwe kuendelea na shule, ok! Fine! Vipi wanao adhirika na magonjwa Kama HIV, gonorrhea, genital herpes, syphilis, n.k  hao mnawafanyaje?! Kwani hayo pia siyanatokana na ngono??! Hauoni kama kuna haja ya kuwataka madaktari wawataharifu shule mara tu wampatapo mwanafunzi anaugonjwa wowote wa zinaa ili nao wafukuzwe shule?? Mbona mnawaonea wanaopata mimba peke yao?! Ooh! Au mnaonaje muanzishe sheria ya watoto wakike kukagualiwa kama wako sexually active au bado kabla ya kuingia shule katika kila muhula?! Labda hiyo ingetoa fursa sawa kwa mabinti wote! Na wanaume je mgewafanyaje?!!! Acha ubaguzi na unyanyapaaji mama yangu?!

***ITAENDELEA……… ***

***FBF*** Hii story yangu niliandika May 17th, 2017 wakati Bunge la Jamuhuri ya Muungano wa Tanzania umeanza mjadala juu ya hitimisho la elimu kwa watoto wakike wanao pata ujauzito wakiwa shuleni!****

Simulizi za maisha ya mzee Igogo kwa maneno yake mwenyewe!

MATUKIO YA LEO 19.02.2020 KWA MFADHILI:- 1. Bi Mole Akungo, mjane wa marehemu Akungo fundi magari, aliyekuwa Mwajiri wa Mkurugenzi John Orwanda. Anaumwa kisukari na kasikia tuna dawa ya Jufeel, pamoja na kukosa uwezo wa kujikimu.

2. Dada yangu wa kihindi Bi. Dirishan mlemavu wa Kibiongo aliniita kumtembelea kwake, ndiye aliyekuwa mwenye ofisi ya mtaa wa mshihiri na eneo la kurasini, nilipoanzia kampuni ya Utegi. Walinisaidia mno nilipokuwa naanza kampuni.

3. Rafiki yangu Bi. Zainabu Mbuguni, mlemavu wa macho (KIPOFU KABISAA), Aliniletea zawadi ya kazi ya mkono wake, kikapu cha ukiri, aliyoitengeneza mwenyewe kuanzia kusuka ukiri na kushona kapu hilo, ili nimpelekee mama Igogo kwendea sokoni, pia kaniletea zawadi ya miwa anazolima shambani kwake huko Kibamba.

Pichani yupo na Mwanasheria Asha Nassoro Mwanasheria wangu, na Maria Patrick Kagose, Mfadhili wangu nilitumia tiketi yake ya Bus na treni akiwa mdogo, kuijia jijini Dar, kwa upendo wa Mama yake, Dada Theresia Olung’a Igogo, aka Mama Maria.

***Imeandikwa na Sir O.O Igogo na kuleta hapa na Alpha Igogo (Blogger)***

Simulizi za maisha ya mzee O.O Igogo kwa maneno yake mwenyewe!

Za asubuhi marafiki wapendwa. Natumai soote tumeamka salama na hao wadogo wasiyoweza kuwasiliana kwenye group. Jana ilikuwa siku yangu ya kumbukizi ya mambo ya ujanani, kama alivyosema Mama ni kweli niliwahi kushiriki kanywaji kati ya mwaka 1972 hadi 1979. Nilishuhudia matukio mengi ya kuchekesha na kuhuzunisha ndani ya kipindi hicho. Nakubaliana fika na Rais Mstaafu wa Nchi ya Merekani OBAMA, alichokiandika kwenye kitabu chake kilichompa Umaarufu kiitwacho THE DREAM FROM MY FATHER. Aliota njozi toka Baba yake, na wala siyo ndoto!!!Nami mwaka wa 1979, nikiwa kazini wilaya ya Geita enzi hizo, kwenye machimbo ya dhahabu Nyarugusu, nikiwa Msimamizi wa Ujenzi wa mitambo hapo mgodini na Shirika la NECO Ltd. Nilienda kijiji cha jirani kumtembelea Mama yangu mdogo, aitwaye Leokadia Ombwa Olwengo, mdogo wake Rhoda Nyolwengo. Yeye na Vijana wake walikuwa wachimbaji wadogo wadogo. Nilikuwa na gari la Shirika na ikawa shangwe ya hali ya juu nilipofika hapo kwake. Kuku wawili walipoteza uhai ghafla kuwa kitoweo rasmi. Mama alikuwa mtengenezaji maarufu wa pombe ya kienyeji iitwayo APELO, yaani CHANG’AA🙆🏻 Ile furaha ya kukutana na ndugu zangu, nao kuniona nimekuwa Bosi naendeshwa na gari la Shirika, ikazua unywaji wa kilevi Apelo bila kipimo. Nilivyorudi kambini na kuingia chumbani sikujuwa. Ila usiku huo wa tarehe 7/6/1979, nilijiwa njozini na Marehemu Baba yangu Mzee William Olung’a Igogo. Aliniita kwa sauti ya juu sana nami nikamuitikia, nilikuwa napepesuka kwa ulevi, manano aliyoniambia ni:- MBONA UNAHARIBIKA KWA POMBE?? ACHA ULEVI, UNAPOTEA!! ACHA KABISA👏

Asubuhi yake nilipoamka, nilikuwa hovyo, hovyo kweli, kweli!!! Nilijikuta nimelala kwenye matapishi yangu yanayonuka kama taka teke teke ya chooni. Mchovu kupindukia, kichwa kinawanga na kugonga kama nyundo!! Ilinilazimu kujifanyia usafi huku nikiitafakari hayo maneno ya njozini, niliyohaswa na Marehemu Baba!! Sikuweza kwenda kazini siku hiyo, ilipofika mchana nilipata mlo kwenye kantini ya hapo Camp, na hatimaye nikaamwambia dereva anipeleke Geita mjini, nilikwenda moja kwa moja kwenye duka la Vitabu, na kununua kijitabu kidogo cha Agano Jipya. Nikaanza kuisoma msitari kwa msitari, kurasa hadi kurasa ifuatayo hadi mwisho, na nikairudia mara kadhaa.Ni kweli tangia siku hiyo hadi leo hii, zaidi ya miaka arobaini sijaweka kinywaji cha aina yoyote kinywani mwangu. Naamini bila mashaka ya aina yeyote kwamba Maandiko matakatifu isemavyo kwamba Baba na Mama yako ndiyo Mungu wako wa Duniani, ni kweli haswaa.

Mzee Igogo na mjukuu wake Cecilia Chaulo

***imeandikwa na mzee O.O Igogo (muhusika) na kunukuliwa hapa na Alpha O.O Igogo (blogger)***

“Life can be a rollercoaster and you will never know where you’ll end UP.” >>> Zari the Bosslady

Life can be a rollercoaster and you will never know where you’ll end up

From studying my Cosmetology course in the UK ( which hasn’t helped me) while doing house girl work to pay my accommodation (yes I’ve been a maid before) to running through buses to get to my next stop woodgreen where I worked as a Cashier and sometimes as an Isle packer in Sainsbury. Friend, I started out early wasn’t even sure why me. But the inner voice in me wanted better.

My dad had left, my mom was doing tailor jobs day and night I couldnt stand seeing her struggle I couldn’t stand her pain. I was living with my aunt in the UK who treated me like a step child. Gooosh🙄
Been through boutiques, long economy flights to china in between building a school and having babies. My music and tv career is a story for another day. Phew😪 All I’m saying, consistency is key. Doesnt matter where you are or what you do. Just do it.

I am the author of my life, my story, don’t rewrite it for me.! Let me be the one to tell it.
Throwbacks are good, reminds us of where we’ve come from and I think that kinda keeps you grounded.

William Ernest Mjee Oucho: Ndoto yangu ya kua Engineer

William Ernest Mjee Oucho
Napenda nishee na nyie story ya safari yangu ya kutafuta kuwa muhandisi tangu nimekua na mpaka sasa nilipofika. Twende sambamba utajifunza kitu hapa.

Mwaka 1993, Jumatano moja ya tarehe 09 mwezi wa Sita, mama angu alinizaa na kunileta duniani, na kunibarikia jina la William, ambaye alikua ni marehem baba yangu mkubwa. Nikaishi na wazazi wangu wote baba na mama, kaka yangu (JUMA SELA), dada yangu (Zainabu), na mdogo wangu Benadetha(R.I.P) katika kijiji cha Utegi, wilaya ya RORYA (kama mnavyoniita), mkoani Mara.

Familia ilikua ya hali ya kawaida sana. Ilipofika mwaka 2000, nilijiunga na shule ya msingi Utegi, iliyopo kwa kukadiria ni kama Km 4 kutoka home. Nikasoma na kuhitimu 2007. Nilianza kuonekana kama taa, baada ya kuwa nafaulu vizuri katika masomo yangu, na kupelekea kujulikana kwa waalimu na baadhi ya watu. Mwaka 2003, nikapewa uongozi (Kiranja) kwenye darasa la watu (188). Nikawakilisha vyema shule yangu katika uandishi wa Insha uliohusisha wilaya nzima ambao uliuletea shule yangu ya Utegi sifa nzuri. Walimu walianza kuniona mbali tangu hapo na kuniombea sanaa ndoto zangu zitimie.

Ilipofika December 10, mwaka 2004, baba yangu alifariki nikiwa darasa la tano. Akatuacha na mama na familia ya baba mkubwa (Olambo Oucho) kama baba yetu mlezi! Tulisikitika na kuhuzunika sana ila tuliyasahau na kumuona baba yetu mkubwa kama baba yetu mzazi. Mwaka 2006, nilihitimu shule pale pale utegi Primary school. Chakushangaza ni kwamba hata kufaulu sikufaulu, mbali na kujitahidi sana darasani (sijui nini kilitokea), ila mwaka huo (awamu ya kwanza) walifaulu wanafunzi 12! Nilikasirika sana, nikasema nitarudia shule na nitafaulu kwa alama za juu sana. January 8, 2007 nikarudi shule kurudia darasa la saba nijaribu bahati yangu tena. Haikuchukua muda sana March 01, 2007 matokeo ya awamu ya pili yakatoka nikawa nimo kati ya watahiniwa waliofaulu kwa alama za chini 159/250😢 na kuchaguliwa kujiunga na shule ya sekondari PASTOR RAPHAEL ODUNGA, ilioko kijiji cha Buturi, umbali wa Km kama 18 kutoka nyumbani.

Sikua na namna nilitamani sana kusoma na wenzangu form One, nikamwambia mama yangu akatafuta njia kwa kushirikiana na baba mkubwa wakanihamishia NYANDUGA Secondary iliyoko kwenye Kata yetu. Jumatatu ya tarehe 07 March, nilianza shule nikiwa nimebeba jembe, ndoo ya maji, kwanja, rim paper (double A) na shilingi 26,000/= nikaanza masomo. Wiki iliyofuata Jumatatu ya tarehe 12/03/2007 tulianza mitihani ya mid-term test nikiwa na siku tano tuu shuleni, nilipata alama za kushangaza watu sanaa ndio ukawa mwanzo mzuri! Nilipenda sana Maths, Physics, Chemistry na Biology ndipo nikaona mimi naweza kuwa Engineer baadaye maana masomo hayo nayaweza vizuri.

Mbali na kwamba baba angu mkubwa alisomea uhandisi (Engineering) nlipomgusia kuhusu nia yangu mimi ya kusomaea fani hiyo pia alinitia moyo sana, na kuniambia nikazane kwani kuna chuo kipo Dar kinaitwa DAR TECH, wanachukua watu wanaopasua sana masomo kama hayo! Akanipa dondoo za raha ya chuo hicho; wanavyokula, chuo kipo katikati ya jiji la Dar, wanalipwa hela, hakuna kufanya usafi, 😂 basi nikaona huko ndo patanifaa, nikasema wacha nikomaeee na shule kwanzaa.

MAISHA YA NYANDUGA SEKONDARI:
Nilijitahidi sana kusoma na kukazania masomo ya sayansi nikijua nikimaliza naenda chuo cha Dar Tech. Baba mkubwa alituwekea hazina ya vitabu vya kujisomea, nikapambana hadi mwaka 2010 ilipo maliza form four hapo Nyanduga Secondary, matokeo yalitoka yakiwa mazuri kwangu, na kwa rafiki zangu wengine. Tuliofaulu na kuchaguliwa technical school tulikuwa watatu; David Kajode alipelekwa Arusha Tech, David Kimira alipelekwa Ubungo Maji na William Ernest Mjee Oucho.

Hutaamini, nilichaguliwa moja kwa moja kujiunga na CHUO CHA SAYANSI NA TEKNOLOJIA Dar es salaam (Dar Tech), kusomea Shahada ya Uhandisi mitambo kwa miaka mitatu.😂😂🤣🤣😂 ndoto ikawa imetimia kwa namna moja. Nilifurahi sanaa! Mama na kila mtu aliyejua walifurahia sanaa. Namshukuru hata Mbunge wangu wa jimbo (MH. LAMECK O. AIRO, Lakairo) aliniona kwa jicho lingine na kunitia moyo na kuniahidi kushikamana nami bega kwa bega mpaka nitakapofika.

SAFARI YA KUJA DAR:
Ilifika siku ya kutoka nyumbani kuanza safari ya kuja chuo, nikiwa mwenyewe kwa mara ya kwanza 🤣 nilipofika tuu Tarime Km 14 kutoka home nikaibiwa pesa zangu zote, na nikarudi home tena kutafuta pesa nyingine. Nikapata pesa nikaanza safari kwa mara nyingine na kuja mpaka Dar. Nilipofika Dar nilipokelewa na mama mkubwa (Mrs. Cecilia Igogo), kisha kunipeleka nyumbani kupumzika. Kesho yake asubuhi mama alinisindikiza chuoni kufanya usajili na baadaye kuhamia chuoni kwani nilikua natakiwa nikae chuoni. Mama mkubwa ni mama mwema sana, alikua akipita kunisalimia na kuniombea kwa Mungu, alinambia niamini katika ninachofanya nitafanikiwa. Nilitii na nikamuahidi sitamuangusha. Nilisoma na hatimaye 2014, nikahitimu.

William na mama yake mzazi wakati wa sherehe za kumaliza chuo, Dar Tech

Ikawa furaha nyingine kubwa kwangu, kwa mama yangu, baba yangu mkubwa na kila mtu aliyetamani kuniona nafika hapo.
Nilitamani kuunganisha kuendelea kusoma ila kuna somo moja lilinifanya nisiweze kuunganisha, kwani matokeo yetu yalicheleweshwa kupelekwa NACTE, ikanibidi nikae mtaani kwa miaka miwili. Katika kipindi hicho cha miaka miwili nilitumia kupata uzoefu wa kile nilichosomea, ambapo baba yangu mkubwa (Mr. Otieno O. Igogo) aliniona na kunipeleka kiwanda kimoja cha kutegeneza juice cha (U-fresh food), Tegeta. Nilifanya kazi pale kama fundi mchundo wa mashine hizo. Baadaye milango ya kazi ilifunguka na kujiunga na moja ya kampuni kubwa hapa nchini ya Kuzalisha Umeme na Kusambaza gesi (Songas Power Plant), iliyopo Ubungo. Nilifanya kazi pale huku nikiwa najitegemea sasa, naishi kwenye chumba changu cha kupanga.

Ilipofika mwaka 2016, nikasema lazima nijiunge kumalizia masomo yangu ya Shahada ya kwanza. Nilifanikiwa kufanya hivyo, nikapata chuo kile kile, fani ile ile, na nikaanza masomo rasmi ya kuitwa Engineer. Nilianza masomo yangu ya shahada ya kwanza mwaka 2016, na nikadumu kwa miaka mitatu, hadi kufikia june 10, 2019 nilipohitimu rasmi na kuweza kufaulu na kupata nlichokua nakitafuta kwa muda mreeefu! New Mechanical Engineer in Town.

Changamoto kila mtu anazo ndio maana hata sijaziongelea hapa, msije mkadhani nilikua nasona kwa raha raha, weee! 🤣😂😂😂 Ila natumia fursa hii kwanza kumshukuru Mwenyezi Mungu wa Mbinguni, muumba wa Mbingu na nchi kwa upendo na uhai alionikirimia. Pia napenda kushukuru kila mmoja kwa nafasi yake alivyoshirikiana na mimi kuniwezesha mimi kuwa hapa. Wanadarasa wenzangu, kuanzia darasa la kwanza hadi chuo Kikuu, 🤣!

🍾 Mama yangu mzazi kapambana sana na mimi, kuhakikisha sikati tamaa, hata kama Inakuja gharika gani.

🍾Baba yangu mkubwa, Kwa kunionyesha njia na kutupatia elimu hakika, aliweza kutupa vitabu na sasa tunaona raha yake.

🍾familia ya Mr &Mrs Otieno Olung’a Igogo, mbarikiwe mpaka shetani aje awaulize mmewezaje wezaje🤣🙏🏼

🍾 Lameck O. Airo, Erasto Airo bro asanteni kwa kila kitu kwa kipindi chote nilivokuwapo skuli.🍾Mbogi yangu ya Rorya, Robhin Edson, Edina Ziporah, Kajode, Mary, Triza, Omara, Vicky, Triza Wuod nam, Emma Lucas, na wengineo wengi ambao sitamaliza kuwataja hapa tumeshikana vyema na tuendelee hivi hivi💐

Niwakaribishe katika mahafali ya kuhitimu shahada yangu ya kwanza ya uhandisi Mitambo, tarehe 28/11/2019 katika viwanja vya chuo chetu, tufurahie kwa pamoja maana nikishinda nanyi mmeshinda…NB: wanaosoma au una mpango wa kusoma, tia bidii sanaa utafanikiwa tuu, Mungu ni mwema na ni wa kwetu sote.NAWAPENDA SANA WOTE. 🍁 THE END🍁

Zari amekosea sana!

Kumpenda mtu siku zote utakuwa mkweli kwake hata kama yeye mwenyewe hapendi ukweli wako! As much as I Iove Zari, but I have to tell her this beater-truth! Kuwa Zari kwa hili umekosea sana!

Kwanza nianze kwa kusema simsapoti Diamond kwa udhalilishaji wake anao wafanyia wanawake kila siku! Hii ya Zari ni series ya matukio mengi ambayo amewafanyia wanawake ambao wamekuwa kwenye mahusiano naye.Amegeuza wanawake ndio mtaji wake wa kuongeza nguvu kwenye kazi zake! Which is very very wrong! However, despite all the evilness he has done, when comes to this issue ya kumdhalilisha Zari, personally I kinda understand where his pain is coming from! But again it doesn't justify what he did.

Kwanini nasema Zari amekosea? Ni kwasababu moja kuu ya kuamua kufanya udhilishaji kwa baba wa watoto wake bila kufikiria kuwa the real victims here are her own children! Tendo alilofanya Zari linamuweka level moja na Diamond, yani hakuna tofauti kati yao and two wrongs can't make it right! ..Kitendo cha Zari ku-move on na maisha yake ni kizuri sana! Tena sana! Nampongeza kwa hilo. Lakini kitendo cha yeye kuleta mwanaume mwingine kwenye nyumba ya mwanaume mwingine ni kukosa heshima sio tu kwa Diamond kama baba wa watoto wake bali pia kawakosea heshima watoto wake!
Zari, The Bosslady

Ule mji ulinunuliwa kama mji wa familia.That’s a place where her children as long as they live they will always remember and call it home! Home is small sanctuary, Zari has dishonored her children sanctuary! Hivi unajua ipo siku watakuwa wakubwa na sidhani kama watakuwa so impressed with their mom decisions! Haswa Tiffa, unajua jinsi watoto wakike walivyo na baba zao, Mungu atupe uzima kushuhudia yajayo!..Sijui kama Zari anajua anachofanya ni kosa au ndio maisha ya u-celebrity yamemuingia kwani hii sio mara ya kwanza kufanya hivyo. Tunaona hata alipo achana na marehemu Ivan Ssemwanga alikua anamleta Diamond kwenye nyumba ya watoto zake! Na marehemu hakufurahishwa na hili! 🤔🤔 wanasema malipo ni hapa hapa duniani eeh! So Diamond got what he deserves!!.. Inajua mimi nashindwa kuelewa sijui ni Usabato wangu au ujaluo ndio unanifanya nishindwe kuelewa hii celebrity lifestyle!

Hivi wanawezaje kuleta mtu mpya kwenye nyumba au chumba ulichokuwa unatumia na your Ex-girlfriend / boyfriend? Nashindwa kuelewa haswa kwa wanawake! Majasho ulioweka kwenye makochi na mwanaume mwingine ndio hapo hapo unamleta mpenzi wako mpya 😳 Dah! Mie sielewi hii lifestyle! Labda ushamba umenizidi can’t think right 🤷‍♀️🤷‍♀️

Diamond ni mwanaume mshezi tu (sorry to say that) lakini hapa Zari kampa sababu na nguvu ya kumdhalilisha kwa kitendo cha kuleta mwanaume mwingine kwenye nyumba yao ambayo walinunua kwaajili ya familia. Ndio maana nimesema naelewa hasira za Diamond japo sifurahii alicho kifanya! Hii imekuwa ni desturi yake kudhilisha Exs wake toka wakina Penny, Wema n.k wote kawafanyia huu ushenzi! Ila amini usiamiani Tanasha anatmnyoosha Diamond wewe weka macho yako utayaona!

Mama Tiffah, the Bosslady

Kama kweli Zari anataka amani na kuishi maisha yake bila bugudhi yoyote basi Zari, you need to move to your own house, period! Let those men who desperately need you move to your house ili wakikuletea ujinga unamwomba aondoke kwenye mji wako. Lakini kitendo cha kuendelea kuishi kwenye mji wa wanao ambao baba yao kawanunulia haitakupa uhuru ambao unautaka! Just get your own place hata kama ni kubaya kama kwangu lakini ni kwako! Ni chakwako hakuna wakukwambia kitu! Please!

Halafu, I don’t know about you Zari maybe because you’re living that “celebrity lifestyle” but a man who dishonors his fellow man’s home like that?! Ain’t a man for me! Because it comes down to his morals and ethics! I hope he won’t turn around to be like the one you just dumped or even worse!..Hapa ndipo Tanasha kawazidi, unaona ametaka nyumba mpya kabisaaa ambayo hakuna Ex-girlfriend yoyote wa Diamond amewahi kulala wala kufika hapo! Msichana wa Kijaluo akili kwa kichwa 👏👏 Nani anataka kulalia vitanda au kukalia makochi yenye majasho ya mikosi ya mtu mwingine? 😂

Anyway, just prepare for the worst and hope for the best 🙏🏿 I saw somewhere you said you are about to say ‘I do’, my advice to you is take your heart with you but don’t forget your brain!! And prayer is key to every battle! Otherwise wishing you the best in everything you do! ❤

Dina Marious: Je, marafiki walio tuzunguka ni wa aina gani?

Reposted from @dinamarious – Leo nimeamka kichwa kiko mbio maana zimebaki siku 4 tu niwe nawe katika Maisha Class Seminar.

Lakini nimemkumbuka rafiki yangu mmoja wa toka udogoni.Hatuonani sanaa ila tunaongea sana kwenye simu.Nikakumbuka namna walivyokuwa wakiishi maisha mazuri sana.Wao ni miongoni mwa watu wa kwanza wazazi kuporomosha mijengo huku Mbezi beach.Miaka ya 90 wana hadi boat ya kucruz kwenda visiwa hivyo vya bongoyo sijui mbudya ambavyo sie ndio twaenda leo.

Dina Marious; Mtangazaji, Mfumbuzi na Mkurugenzi Mkuu wa Dina Marious Coconut Oil, Founder of Mwanamke wa Shoka and Kitchen Party Gala

Mama yao aliwazaa mapema sana na baba yao akafariki mapema pia.So walilelewa zaidi na mama.Mama alikuwa na pesaa alikuwa mrembo sanaa na alikuwa na marafiki wengiii mno.Na pia alikuwa mzuri wa sura na wa roho kujitolea kwa marafiki na ndugu sanaa.Wadogo zake kama watatu aliwawezesha kwenda kuishi nje.Yeye safari za nje ya nchi kama sijui kitu gani.Party za babakyu na marafiki safari na marafiki za kula bata nyumbani kwake palikuwa hawakauki watu.
Yule mama alikuja akaanza kuishiwa akaanza pia kuumwa aliugua kwa muda kidogo na kwa wakati huo rafiki yangu na mimi tupo kidato cha pili.Ndugu walikula kona,marafiki ndio usiseme.Alibaki yeye na watoto wake tu na hadi anafariki alimfia mwanae huyo shoga angu mikononi hivi akimhudumia maana ndio wa kwanza.

Dina Marious; Mtangazaji, Mfumbuzi na Mkurugenzi Mkuu wa Dina Marious Coconut Oil, Founder of Mwanamke wa Shoka and Kitchen Party Gala

Kuna mengi yalitokea sanaa lakini hili jambo huwa silisahau.Maana mie ndio nilikuwa shoga ake namna ndugu zake walikuwa wakimfanyia nilishuhudia kwa macho.Na huwa namkumbuka sana huyo mama na sasa nimekuwa mtu mzima ishu hiyo huzunguka sana kichwani kwangu.

Je marafiki waliotuzunguka ni wa aina gani?una marafiki kweli au una wapambe?Ni wangapi katika mafanikio tunakuwa na marafiki wengiii ambao kiukweli wapo hapo kwa manufaa yao?Wapo na wewe sababu una nafasi fulani,wadhifa fulani kupitia wewe mambo yao yatanyooka?Kwa sababu una mkono wa kutoa labda utatatua shida zao,utasikiliza hofu na nyakati ngumu wanazopitia. Utawalisha,utawanywesha,utawapa pesa,nguo,viatu inshort unarahisisha maisha yao.Ngoja pesa ikate ndio wa kwanza kukusema umefulia na kukukimbia.
Ngoja cheo/nafasi uliyonayo ipotee ndio utawajua walimwengu au wali nyama!Sitasema sana ila Mungu atujaalie watu sahihi katika maisha yetu.

MaishaClass #NenoLangu – #regrann

**Imeandikwa na Dina Marious**

Unapokutana na mtu mwenye mafanikio usimuombe pesa. Muulize amefanyaje kufikia hapo alipo!

“When you meet a person with means, a person that is well-off you think is successful  that you always wanted to be; don’t go there asking  for money” Hayo ni maneno yake Comedian na TV host Steve Harvey kwenye Oprah Master Class. Master Class ni show ambayo watu wengi waliofanikiwa katika nyanja mbali mbali za maisha wanaelezea mafanikio yao kwa undani zaidi toka walivyokuwa wadogo mpaka walipo fikia. Changamoto zipi walipata, vipi waliweza kuvumilia, kumudu hizo changamoto, na hata kufanikiwa bila ya kukata tamaa. Unapopata nafasi ya kukutana na mtu au watu ambao unawaangalia kama  “role mode / icon”  katika maisha yako usiwaombe pesa waombe wakuelimishe nini walifanya kufikia hapo walipo. Watu wengi wapo wepesi wa kuomba pesa kwa mtu aliyejaliwa kuwa nazo kwa ajili ya kujikimu na hiyo shida aliyonayo. Nautakuta muda mwingi shida hiyo haiishi ni kaituliza tu kwa muda. Hii yote nikwasababu wengi tunapungukiwa hekima ya kujua kuwa ni kheri mtu akupe elimu ya maisha ya nini alikifanya mpaka kufika hapo ili uone kama na wewe unaweza tumia njia hiyo kufikia malengo yako au kujikwamua kutoka sehemu moja kwenda nyingine. Au utakuta wengine tumepingukiwa hekima ya kuona mafanikio ya watu ni maovu mbele zetu nakuanza kutafuta njia ya kumuangusha bila kujua kuwa anguko lake ni maafa kwako pia. …….Hivyo tuwe waelevu kama nyoka na wenye hekima kama Solomon ili tuweze kujifunza kutoka kwa wengine haswa ambao tunaona wana tija katika maisha yetu. Pale watu wanapokukatisha tamaa wewe piga moyo konde usiwasikilize. Kwanza mimi kwa experience yangu binasfi watu wengi wenyekukatisha watu tamaa ni watu ambao hawajiamini na pia hawapendi kuonekana kuwa wao wameshindwa katika kufikia kile wakitakacho hivyo hamna la zaidi zaidi ya kupiga makelele ili uwe muoga. Wakati ukweli wanatamani wangekuwa na ujasiri kama wako. Utaona wanakuja na maneno mengi ya kejeli ikishindikana wataingilia personal attack “hajaolewa”, “mnene”, “hana nywele”, “mbeba mabox” yani ukishaona mtu anaenda kwa personal attacks jua maumivu yamemuhelemea 😂😂 . . Nasiku hizi social media, basi watatafuta kila event au tukio lenye viongozi waende kupiga picha ili warushe kwa Facebook / Instagram basi tu ufikirie kuwa there really happy and making it, wakati rohoni wanatamani wawe na kipaji au nafasi kama yako. 🙈🙈 Wanasaikolojia wanasema mara nyingi watu wanao ongelea wengine vibaya muda wote huwa kuna mambo ambayo hayopo sawa kwa upande wao sasa kwasababu hawataki watu wajue huo upande wao hauwapendezi, basi dawa inakuwa ni kugeuza attention kwa wengine! Na huo ndio ukweli! Wewe usikate tamaa na mapicha yao! Nawala usiache mashauzi yao yasio na kichwa wala miguu yakuumize au yakutoe kwenye malengo yako. Mimi nilivyoanza hii blog yangu nimetungiwa uzushi wa kila namna; ooh huyo muhuni anatafuta mwanaume, huyo FBI, huyo kada wa CCM (utafikiri walishaniona na kadi ya CCM au nimevaa gwanda la CCM 😂😂), mara anatafuta umaaharufu, mara mkabila, mdini, yani maneno mengi mno wengine wakadiri hata kwenda kwetu kuchunguza maisha ya kwetu nakuja kuongea kwenye magroup yao. Mara kazi yake kudhalilisha watu. Eti huyo anagombania mali za wazazi wake 🙈🙈 Wengine wakazunguka kuwaambia watu wasiweke picha zao kwa hii blog. Yani hayo yote walifikiri nitaacha kublog!! Lakini nipo hapa and I’m here to stay! Mimi najua ninachofanya na ninako kwenda hivyo sijali. Waliokua wanasema mimi kazi yangu ni ku copy and paste ndio hao hao wanakosa raha kwani wanatamani niwaweke humu kwa blog yangu nami hata habari nao sina 🙆🙆  Ni maumuvi makali sana wanapata. Wewe songa tu, wakikwambia huwezi wambie wewe ni nani hata useme hivyo! Kitu kingine usiamini kila rafiki. Yani ukiona mtu ambaye ni rafiki yako anachukia maendeleo au mafanikio ya mwingine achana na huyo rafiki mara moja. Kwani inamaana wewe ni rafiki yake Kwasababu haujamzidi kimaendeleo lakini siku ukitaka kunyanyuka atakuwa wakwanza kukuangamiza! Niamini nimeyaona! Siku zote kuna mtu mmoja ambaye atakuelewa na ambaye atakuwa yupo teyari kukusaidia kufikia malengo yako. Mungu huwa hamtupi mja wake! Kama nipesa basi huyo mtu anaweza kusaidia, kama ni mawazo yanini ufanye ili ufanikiwe basi huyo mtu atakuwa yupo tayari kutoa ushauri. It means that person believes in you and truly cares about you! When it looks like nobody cares trust me someone is out there who really cares about you! Muda ukifika Mungu atamleta kwako. Usikate tamaa!

**Imeandikwa na Alpha Igogo** **#TBT #Sept.2017**