Kila mtu anafanya kazi kwa kufikiria tumbo lake kwanza! Awe mfanya biashara, mwanasiasa, muajiriwa wa mahala popote pale au mwanaharakati wa jambo lolote lile wote kwa ujumla wao wanafanyakazi kwa kufikira matumbo yao kwanza! Na hakuna ubaya wowote kwani hizo ndio njia zao za kujipatia kipato ili waendeshe maisha yao. Huu ni ukweli ambao hauwezi pingika, ndio maana hakuna mtu atajiita mwanaharakati wa jambo fulani akaamua kupigania hicho anachokiamini kwa kutumia pesa zake mwenyewe na muda wake bila kujali ananufaika na nini! Wote wana angalia maslahi binafsi kwanza!

Mwanasiasa ili aweze linda cheo na maslahi yake lazima afanye kazi yake ya kuwatumikia jamii kwa nguvu zote. Mwanaharakati ili apate pesa kutoka kwa sponsors lazima apige kelele nyingi sana kuwashawishi watu kua anachokipigania ni sahihi. Mfanyakazi aliye ajiriwa ili adumu katika kazi yake lazima aongeze elimu na ufanisi kazini. Mfanya biashara ili azidi kukua na biashara yake idumu lazima aangalie jinsi ya kuongeza faida! Hivyo, hakuna mtu hapa duniani atafanya kazi bila kufikiria tumbo lake kwanza. Hata Mungu amesema, asiyefanya kazi naasile! Hata Wachungaji wanalipwa mshahara!

Kuhojiwa kwa vingozi wa jamii zinazo tuzunguka siyo jambo la kushangaza au la ajabu kwani halikuanza leo wala jana. Ukichukua mamlaka ya kuongoza watu basi lazima uwe teyari kuhojiwa kwani wana haki ya kufanya hivyo. Japo saa nyingine wanaokuuliza wanaweza wakakukwaza na maswali yao lakini kama kiongozi unakuwa hauna haki ya kuwakataza au kuwazuia kukuhoji pale wanapojisikia kufanya hivyo.

Kunawengine wanaweza kuhoji siyo kwamba hawajui ukweli, la hasha! Ni watu wenye ajenda zao mbovu, hivyo watakupa maswali ambayo wanajua majibu yake lakini wewe kama kiongozi inabidi utumie hekima yako kuwajibu na kutoa ushahidi ikabidi.

Kwa mfano, tunaona jinsi Yesu alipokuwa jangwani akifunga na kuomba, shetani alimuhoji “....kama wewe ni Mwana wa Mungu, amuru jiwe hili liwe mkate.” Yesu akamjibu, “Imeandikwa: ‘Mtu haishi kwa mkate tu.’” Yesu alimjua huyu ni Shetani lakini kwakua alikuja kuwakomboa watu wote hivyo alitumia hekima yake ya juu kumjibu, bika kumzuia kumuhoji. 

Shetani aliendela kumuhoji Yesu kwa siku arobaini ambazo Yesu alikuwa Jangwani. Embu tafakari, pamoja na Yesu kushinda na njaa kila siku lakini bado Shetani alikuwa mbele ya uso wake akimpa maswali kila siku na Yesu akamuacha amuhoji. Siyo kwamba alishindwa kumnyamazisha Shetani au kumfukuza, hapana! Alimuacha Shetani atumie uhuru wake! Nayeye kama Mfalme atatumia hekima na mamlaka yake kumjibu.

Watu wenye tabia kama hizi za Shetani wapo miongoni mwetu na katika kila jamii. Niwajibu wa viongozi wetu kujua kua wapo kutumikia watu wa aina zote waliopo ndani ya jamii husika, hivyo hata wakija na maswali ya kukebehi au kukera ni wajibu wao kuwajibu kwa kutumia hekima na mamlaka waliyo nayo. Si busara kutishia watu wanapohoji viongozi, hekima itawale siku zote.

Mungu atusaidie.

Demokrasia ni mfumo ulio hasisiwa na Mungu Mwenyezi. Mungu alikuwa mtu wakwanza alieanzisha Democracy pale kwenye bustani ya Edeni. 

Pamoja na kumpenda mwanadamua sana, na akampa masharti ya jinsi ya kuishi katika bustani ile ya Edeni lakini alimpa Adamu Uhuru wa kuchagua #Democracy kati ya mema na mabaya. Adamu alitumia uhuru wake kufanya maamuzi aliyo yafanya. 

Mimi huwa siku zote nasemaga sina "role model" ambaye natamani kuwa kama yeye isipokuwa Yesu mwana wa Mungu. Huyu ndio "role model" wangu siku zote, natamani kuwa kama Yesu na si mwanadamu mwenzangu. Don't get confused, kuna watu wengi sana wana ni inspire au motivate katika mambo mbalimbali na mtu wa kwanza au watu wakwanza kabisa ni Wazazi wangu! 

Kwanini Yesu ni "role model" wangu? Kwasababu, Yesu alitumwa na Mungu kuja kutuonyesha jinsi gani ya kuishi maisha yetu hapa duniani, siyo tu kiroho, kiakili, kiafya, na kimwili. Yesu alizaliwa kama mwanadamu mwingine yeyote yule, aliishi maisha yake kama mwanadamu, na alikufa kama mwanadamu. 

Hivyo, ametuonyesha ni jinsi gani tunaweza ishi na watu ambao hawana mtazamo wa mawazo kama sisi. Ametuonyesha jinsi gani tunatakiwa kuwapa watu uhuru wa kuamua nini wanataka nakuheshimu maamuzi yao hata kama hatukubaliani nao. Ndio maana Yesu alishiriki katika sherehe za harusi za ndugu zake na marafiki ambao walikuwa ni walevi japo Yeye binafsi si mlevi. #Democracy ilitumika! Alihubiri injili ya neno la Mungu lakini hakuwatenga au kuwachukia walio ikataa! Again, #Democracy ilitumika.

Shetani alikuwa mmoja wa Malaika waimbaji wakuu Mbinguni lakini alitumia uhuru wake na kufanya maamuzi kwa kutumia kiburi kumdharau Mungu. Na akachagua kuja duniani kutengeneza majeshi yake kama yanavyo onekana katika tabia za watu mbali mbali.

Kwa kumalizia, nasema mtu yeyote yule anayependa kuwapa watu #Democracy  basi atakuwa anatabia za 'kimbingu'! Kila mtu anahaki ya kuwa huru kufanya kile apendacho ilimradi hawaingilii uhuru, privacy za watu wengine au kuvunja sheria ya nchi husika. Demokrasia ni rahisi sana kuisema lakini kuitekeleza ni ngumu sana.  Mungu atusaidie!